bianca nicholson's List: Francois Steyn

Ons Bokke wat glo

Deur Yolandé Roodt & Inge Verster

Hulle mag wel geseën wees met raakvathande,
vetgesmeerde voete en taktiese vernuf – maar
eintlik, bieg rugbysterre Ruan Pienaar, Pierre
Spies en Francois Steyn, lê hul Krag elders.

Nog relatief natterig agter die toets-ore, en
behoorlik grasgroen as dit by Wêreldbekerervaring
kom. Maar staatmaker-agtsteman Pierre Spies,
skrumskakel-blits Ruan Pienaar en veelsydige agterspeler
Francois Steyn (hy met die langasem-skopvoet) staan hul man
in 'n span wat bestem is om in Frankryk die hoop van 'n ganse
nasie op hul skouers te dra. (Ja, daai skouers is nie verniet so breed nie, hoor 'n mens die vroue sug.) Dis die soort druk wat selfs die mees gesoute speler soos 'n paar paddaboudjies in 'n pot kookwater kan laat voel.

En wees verseker: dié jongeling-drietal vóél dit.
Maar wat, sê hulle, solank 'n man jou voete stewig op die
aarde en jou oë stip na Bo hou, kan jy God vertrou om selfs die
lewe se grootste verloor in 'n oorwinning te omskep.

Neem ons 'n paar treë saam op jul pad na
geestelike groei.

Francois Steyn: Al as kannetjie het ek begin rugby speel,
maar nooit geraai ek sou eendag as Shark óf Bok uitdraf nie. Ek
het altyd gedink rugby is net dit: 'n spel. Maar eendag, ná 'n
wedstryd aan die einde van ons Engelse toer, het ek en kaptein
John Smit in die hotel sit en gesels. Hy het my gevra hoe ek
dink ek daar beland het. Harde werk, natuurlik, was my opinie.
Maar hy het gereken dit was God wat my die talent gegee het,
en dat Hy my tot hier gedra en gelei het. Dit was tóé dat my oë oopgegaan het?

Ruan Pienaar: Ek het in 'n huis grootgeword waar my ouers
die voorbeeld gelééf het dat God jou lewe met vreugde en
blydskap vul soos niks anders in hierdie wêreld nie.

Pierre Spies: Vir my was dit 'n voorreg om albei ouers in die
bediening te kon hê. My pa het byvoorbeeld manne- en vrouekampe
op Mabula begin. Ons was regtig 'n geseënde gesin.
Maar dít het my nie 'n kind van die Here gemaak nie.
Ek moes 'n persoonlike verhouding met Hom aanknoop.
Dit het eers in 2005 begin, toe ek tot bekering gekom en alles
aan Hom oorgegee het.

Ek beskou myself as 'n geseënde mens. Ek het twee wonderlike
susters, 'n fantastiese ma en 'n nog meer ongelooflike meisie.
Dis vir my 'n hoogtepunt om te sien hoe die Here my gebruik
om my wêreld te verander.

Jake White (en die res van SA!) blaas in jul
nek om julle rugbyfiks te hou. Wat hou julle
geestelik op jul tone?

Francois: Ek lees my Bybel. En as iets my pla, gesels ek met
vriende daaroor.

Ruan: Dis vir my baie belangrik om voortdurend meer oor
God te lees en te leer. Ek is baie gelukkig in die sin dat ons
Sharks-span 'n weeklikse Bybelstudiegroep het. Dis lekker om
saam met ander gelowiges soos Jacques Botes te kan speel, ouens
wat vir 'n mens 'n rolmodel is.

Pierre: Dis 'n daaglikse stryd. Nes jou liggaam oefening nodig
het, het ook jou gees dit nodig. Ek bid, lees en aanbid elke
dag. 'n Mens móét, anders raak jy onfiks.

Eerlikwaar, help 'n man se geloof hoegenaamd
vir daai hartkloppings voor die
afskopfluitjie blaas?

Francois: Ja, dit hou my kalm en gee my hope selfvertroue!

Ruan: Die wete dat God jou beskerm en lei – op én van die veld af – maak 'n ongelooflike verskil in die manier hoe jy die spel benader.

Pierre: Ek bid heeltyd. Maar wanneer ek vir die wedstryd opdaag,
is ek klaar gebid. Geloof gee my kalmte en vrede. Dieselfde
Krag wat Jesus uit die dood opgewek het, is in my en in jou.
Jou belewenis van God?

Francois: Hy't self onder mense kom woon en Sy Woord
kom verkondig. Nie baie van ons het die moed om ons getuienis
uit te leef nie – ek wil ook my deel doen!

Ruan: Liefdevol, versorgend en vergewensgesind. Dis 'n ongelooflike seën om te weet dat ons in elke moeilike situasie – in sport óf in werk – in oorwinning kan leef.

Pierre: Vir my is Hy liefde, vergifnis, vrede. Hy's die Alfa en
die Omega, daar is geen mag of krag sterker as ons God nie.
Ek beleef Hom in alles wat mooi is in ons wêreld – in die natuur,
gelukkige verhoudings, wonderwerke.
Hy lééf!

Lees verder in die September-uitgawe van Lééf.

*Die Wêreldbeker skop af op 7 September in die Franse hoofstad Parys. Die Bokke vertrek op 3 September en speel op
die 9de hul eerste wedstryd teen Samoa. Die eindstryd vind op 20 Oktober plaas.

Francois Steyn joined the Sharks Academy in 2005 and spent a short period of time at the Murray Mexted Academy in Palmerston North, where he made a big impression. National team coach Jake White named Steyn in the South Africa squad, which toured England and Ireland in 2006, where he made a scoring debut against Ireland. He scored 26 points in the 2007 Super 14 season, playing in the Final against the Bulls, which led to him being named in the 2007 Tri Nations Series squad for South Africa. Steyn was on the bench for the opening game of the Series against Australia but made a big impact coming on as a substitute, kicking two drops goals to win the game for South Africa. He is known for his pace and athleticism along with a howitzer like boot that can kick massive drop goals from 50 metres plus.