march29 .....
مالقى النورس أهل
الطلب ماهو سهل
وانكسر فوق الصواري
بين غزل الاشرعه
من يمنعه
ما ينتحر في هالزمان
ومن يحاول بس مره يقنعه
ان الوجوه اللي يشوف
فعلاً وجوه
ماهي مجرد اقنعه
بس من يقدر يقله
ويرشد النورس .. يدله
عن مدن ما فيها ليل
وخلّ ما فارق
وعاشق ما نسى
في يوم خلّه
بس من يقدر يقلّه
لا تطير .
***
مظلوم هالنورس كثير
يوم حي وعشره ميت
بس .. ميت في جذور الحلم
والارض اللي حبته
وتربى بظلها
وهو صغير
قبل يتعلم يطير
ومد روحه..وسط بوحه
وصار جيش من الاماني
واعلن لكل المواني
أن في الدنيا اغاني
ما تموت
لو يطول ابها السكوت
وأن ذا حال النوارس
من خلقها الله
دايم في اغتراب
وفي المنافي
تنولد مره وتموت.
ادب وشعر
Would you like to comment?
Join Diigo for a free account, or sign in if you are already a member.